And whan thei werren, thei werren fulle wisely, and alle weys don here besynes, to destroyen hire enemyes.

And with theise kynges serven alle weys 72 dukes and 360 erles.

And alle the folk of the contree ryden comounly with outen spores: but thei beren alle weys a lytille whippe in hire hondes, for to chacen with hire hors.

Also whan thei wille make hire ydoles, or an ymage of ony of hire frendes, for to have remembrance of hym, thei maken alle weys the ymage alle naked, with outen any maner of clothinge.