Pour faire saupiquet sur connins ou sur autre rost halles du pain comme pour faire cameline & le mettes tramper auec du bouillon fondes du lart en vne paele & maincez de loignon bien menu le frisez pour quatre platz.

Pastes de chappons mettes du lart dessus & pour espices y mettes du gingembre / menues

Ceux qui ne tendoient ni aux morues ni aux oiseaux, passoient le temps à recuillir les coeurs, tripes, & parties interieures plus delicates dédites Morues qu'ilz mettoient en hachis avec du lart, des epices & de la chair d'icelles Moruës, dont ilz faisoient d'aussi bons cervelats qu'on sçauroit dans Paris.

¶ Pour faire vne potee de langue de beuf et tetine de vache soient cuyte & soit prins du bouillon ou seront cuites & soyent copees les langues & tetines par menus morceaulx comme feues & frises au lart & de loignon quil soit trenche menu & puis les souffrises.

& quant seront demye cuytes pures les & les assembles de bouillon & y mettes du lart pour leur donner goust & quant ilz seront acheuez de cuyre mettes les en vne paelle refroidir & les passes par lestamine & apres les mettes bouillir en vng pot & puis coules semblables.