Je leur en dys la vérité tout ainsi que la chose avoit esté; de quoy ils furent bien esmerveilliés.

Et quoy que vous ne manquiez pas de serviteur qui prenne le soin de faire vostre liet; toutesfois en sortant, prenez garde de le laisser découvert.

1. Quoy qu'il soit bon de s'épargner vn trop grand soing de pratiquer vne ciuilité affectée, il faut pourtant estre exact à en obseruer ce qui est necessaire & auantageux pour faire paroistre une belle éducation, & ce qui ne se peut obmettre sans choquer ceux auec qui l'on converse.

3. Celui qui fait tout ce qui luy est possible, pour auancer vostre affaire, quoy qu'il ne la meine pas, & n'en puisse auoir le succez cõme vous l'esperez, ne doit point entendre de reprimãde; puis qu'il est plus digne de loüange que de blâme.

Ne prenez iamais suiet de rire du malheur d'autruy, quoy qu'il semble en quelque façon digne de risée.

Gardez vous bien de picquer qui que ce puisse estre; ne vous mocquez d'aucune personne, particulierement d'entre celles qui sont qualifiées, quoy qu'auec occasion.

Ne vous amusez pas à considerer curieusement les defauts ou les taches, quoy que naturelles, particulierement si elles se rencontrent au visage, & ne vous enquerez pas d'où elles out precedé.

Si vous racontez, ou lisez, ou entreprenez d'en prouuer par raisonnements quoy que ce soit, tranchez-le-court, & particulierement quand le suiet en est peu important, ou quand vous reconnoissez les dégousts qu'en ont les Auditeurs.

Ne vous fâchez iamais en table, quoy qu'il aduienne, ou bien si vous vous fâchez, n'ent faites point de semblant, principalement y ayant des estrangers à table.